Matthew 4.1-25, treylys gans William Kerew
[Gwavas Collection, ff.102r,v, 103r]
f.102r
The 4th Chapter of St
Matthew
1. Nena ave Jesus humbregez abera tha Wilderness, tha
voaze temptez geen an Joule.
2. Ha pereeg e penes doganze Jorna ha doganze Noze: e ve ouga nena Gwage.
3. Ha an Tempter theath thotha, ha lavarraz, e mothosta Mâb Deew, lavare tha an
Meanow tha voaz gwreeze Bara.
4. Buz e gwerebaz ha lavarraz, e'thyw screffez, n'ara Dean bewah dreath Bara e
honnen, buz gen kenefra geer eze toaze meaze meaza ganaw Deew.
5. Nena an Jowle an comeraz e mañ abera en Cyte Veneganz, ha an zettyaz e wor
gwarha an Eglos teege.
6. Ha lavarraz thotha mothosta Maab Deew towle tha honnen doare: rag ethew
screffez, E ra ry tha e Eelez an Pohar an hanesta et ago doola yra tha doone
man leez a turn vethal Chee ra browe tha Drooze bedn Mean.
f.102v
7. Chreest a lavarraz thotha, ethew screffez arta, Che na'raze dèmptya tha
Arleth Deew.
8. Arta an Jowle an comeraz eu mann wor hugez Meneth euhall ha disquethaz
thotha oll an gwell asketh an Beaze, ha'n Worriance nonge.
9. Ha lavarraz thotha, oll a Rimah ve vedn ry theeze mor minta poz cotha an Doer
ha gortha Ve.
10. Ameth Jesus thotha, kethurtam Satnaz, rg [sic] thew screffez, Che ra gorthy tha
Arleth Deew, hag eu e honnen Che ra servya.
11. Nena an Jowle en garaz E; ha mere Elez neve theth, ha droze thotha.
12. Leben pereg Jesus clowaz tero jowan towlaz tha bressen, E geath tha
Allale.
13. Ha garah Nazareth, E theath ha tregaz en Capernahum, lebah ywa trea vore, en
pow Zebalon ha Nepthaly.
14. Malga e boaz composez ave cowsez gen Dean Deew Izias Dellma,
a. Cite a Môre. a Town by ye Sea.
f.103r
15. An Pow Zebulon ha Pow Nepthaly reban Vor tha Môr pelha avel Jordan, Allale
an Gentelles.
16. An Poble erra zetha en Tolgo a wellaz Gullow {Gollow} broaze; he tha rimah erra zetha
én Pow reb Ankow, ma Gollow dereves man.
17. Thurt an Termen notha Jesus reeg dalla a boroga, ha tha laale, Greew gwel,
râg ma Gulasketh Neue tha Dorn.
18. Ha Jesus, gwandra reb a Môr Alale wellas deaw Broderath Simnen criez
Peder, ha Andrew e Broder a towlah Rooze en Môr: (Râg tho an giie Poscaders).
19. Ameth E thonge, suyow Vee, ha Me vedn gee [sic] thew Poscaders a Deeze.
20. Ha straft an Gee arass go Rôza, ha an suyas.
21. Ha moaze alenna E a wellaz moy deaw aBroderath, Jamez, Mâb Zebde ha Jowan e
bBrodar en Goral gen Zebde go Zeerah owna go Rôza: ha E grìaz thonze.
a. Whearath. b. Whear.
f.103v
22. Ha an Gye thosympyas ha garaz an Goral ha go Zeerah, ha an suyas E.
23. Ha Jesus geth oll a dró der Alale, deske et ago Eglezow an Gerryow
Deew an Gulasketh, sawyah oll sorto Clevas, ha o11 Pesticks mesk an Boble.
26[sic]. Ha e Fauge geeth der ol Syrya, ha an gy droaze tho tha oll an
Glevyan, ha
rimah o comerez gen pubsort Clevyas, ha Tormentyaz ha Rimeh o comerez gen an
Jowloo, ha Rimah o Frantik, ha Rinah o Palgeaz ha E o sawyaz.
27[sic]. Ha ennah an suyaz E Ruth veer a Poble, thor Alale, ha thor Decapolez ha thur
{thor} Jerusalem, ha thur Judah ha thur bararall a Jordan.
An Duah a an bozvevah Chaptra a Matthew
Notenn
: An geryow yn korblys { } yw
amendyansow kevys y'n dornskrif - unn lytherenn skrifys a-ugh an ger.
Gwartha/Top
