Matthew 2.1-20 treylys gans William Kerew
[Gwavas Collection, ff104r -
105v]
f.104r
The 2nd Ch: of St
Matthew.
1. Leben poue Jesus gennez en Bethalem a Judeah
en Deethyow Herod an Matern, a reeg doaze Teeze veer thor an Est tha Jerusalem,
2. Lavaral, peleah ma E yw gennez Matern an Ethewan? Râg ma gwellez gen a ni E
steran en Est, ha tho ni devethez tha gorthe thotha.
3. Pereeg Herod an Matern clowaz hemma, E ve troublez, ha oll Jerusalem gonz
Eue.
4. Ha pereeg E contell oll an Cogazers euhall ha'n Screffars an Bobel worbath,
E a vednaz thoranze pelle ve Chreest gennez,
5. Ha an gye lavarraz tho tha, en Bethalem a Judeah: râg an dellma ma thewah
screffez gen an Prophet;
6. Ha Che Bethalem en Pow Judah negooz an behathna amisk Maternyow Judah; râg a
mez a Che e ra doaz Matern rag rowtya tha Pobel Ezarel.
f.104v
7. Nena Herod, pereeg e prevath crya an Deez feere, e a vednyaz thoranze seer
pana Termin reeg an Steare disquethaz.
8. Ha E ez devannaz tha Vethalem, ha reeg laule thonz gworeuh whellaz Seere râg
an Flô younk ha perewe why e gavaz, dro Geere tha Ve arta, mala Ve moaze ha
gortha thotha a weeth.
9. Perêg an Gye clowaz an Matern y eath Caar, ha an Stearan a reeg an Gye
gwellhaz en East geeth devactanze nerege hi doaze ha zavaz derez leba era an
Flô yonk.
10. Perêg an Gye gwellaz an Steran, thonge loan gen meare a Loander,
11. Ha potho an Gye devethez en Choy y a wellaz an Flô yonk gen Mareea e Thama,
ha an Gye a cothaz en Doar, ha gorthaz tha eue; ha perêg an Gye gerego Throzor
y a rooz tho tha Aur ha Frokensence ha Ere.
f.105r
12. Ha an Gye ve gwarnez gen Deew ha an Gye a cuskah neresa an Gye doaz ogaz tha
Herod, ha an Gye eath carr tha Pow go honnen Vor aral.
13. Ha potho an Gye gellez carr, Mero, Elez Neeue a desquethaz ha Joseph a ve
hendrez an Delma, saue a {savea} man ha kebar an Flô yonk ha e Thama ha ke
tha Egyp, ha bothes enna, Terebah Ve drythez Geere; Rag Herod vedn whelaz an
Flô rag E latha.
14. Perêg E saval, E comeraz an Flô yonk ha e Thama, en Noaze, ha geeth tha
Egyp:
15. Ha E ve enna terebah Mernaz Herod; malga boaz composez a ve cowsez gen
Arleth neue der an Prophet, o laule a veza Egyp me vedn crya a Mâb.
16. Nena Herod perêg E gwellaz fatal o geaze gwreaze anotha gen an Teze feere,
yw engrez; ha thavanaz mehaz, ha lathaz
/oll
f.105v
oll an Flehaz a era en Bethalem, ha oll an dro, en dadn Deaw aVloth
coth, a tho an Termen a reeg e gofen thur an Teez feere.
17. Nèna a ve composez a ve cousez gen Jerman an Prophet, lawle,
18. En Rama a ve clowez Olva, whola ha Garma, Rachal wholo rag e Flehaz ha na
venga hye boaze comfortyes, rag tho an gye lathez {lethez}.
19., Potho Herod maraw, mero Elez Neue theath tha Joseph en cuska en Egyp,
20. Laule, kebar an Flô yonk ha e Thama, ha ke tha Pow an Ethewan; rag ma Herod
maraw, eva whellaz Bownaz an Flô
yonk.
Desunt cetera
a. l. f.
Bleth or Blethan.
Notenn:
'William Kerew' yw an alias a William Rowe. An tekst y'n Kuntellyans Gwavas (BL
Add Mss 28,554) yw dasskrif gwrys gans H.Ustick dhiworth dornskrif Rowe; Ustick
a wrug niver a gammskrifow ynno. An geryow yn korblys { } yw
amendyansow gwrys gans Ustick, neb a skrifas lytherenn po lytherennow amendys a-ugh an ger.
Gwartha/Top
