1. Lebben an hagar-Breeve o moy foulze a vell onen vethell an Bestaz an Gweale a reege an Arleth Deew geele: Ha e a 1avarraze tha an Vennen, Eah! reeg Deew lawle, Che na raze debre a kenevrah Gwethan an Looar?
2. Ha an Vennen a lavarraz tha an hagar-breeve, ni a ell debre a thore oll an Gweth an Loar.
3. Boz thort an Gwethan a ez en Crease an Loar, Deew a lavarraz, why nara debre anothe, na na’rewa e thotcha, lez why a varaw.
4. Ha an hagar-breeve a lavarraz tha’n Vennen, why na’ra seere merwall.
5. Rag Deew a ore, a en Jorna ah eve debre nothe, n’ena agoz Lagagow ra bos geres; ha why ra boaze pocara Deew a cothaz Da ha Droag.
6. Pereege a Vennin gwellas tro an wethan da rag Booze, ha derohi blonk tha’n Laga-

f.100r
=gow, ha Gwethan tha voaze desyryes tha gwelle onen feere; Hi a gomeras Radn an Haze anothe, ha rooge debre; ha a Rowze radne tha e Goore goshe, ha’g e reege debre.
7. Ha Lagagow an Gie ve gerres ha an Gie oyah teler an gye en Noath: ha an Gye a wrovas Delkyow Figgez warbarth, ha wraze tho an Gye Aprodnieo.
8. Ha an Gye a glowhas Leaufe an Arleth Deew a kerras en Looar en yeindre an Deeth; ha Adam ha e wreege a geeth tha govah thort Deraage an Arleth Deew amisk an Gweeth an Looar.
9. Ha an Arluth Deew agerias tha Adam, ha lavarraz tho tha peleha estha?
10. Ha e lavarraz, Ve a glowhas tha Leaue en Loohar; he me a Vee owne, rag theram en Noath, me goath tha govah.
11. Ha e a gowzas, p Reg laule theese tellestah en Noath? Arestah debre thort an Gwethan a reege a vee laule theeze a na wresta debre.

f.100v
12. Ha an Dean a gowzas, an Venin arosta ry dha vee, hy a rose tha vy {ve}  thor an Wethan, ha ve reeg debre.
13. Ha an Arleth Deew a gowzas tha an Venen, panderew hema a eze gwreze geneze? ha Venen a worebaz, An hagar-breeve a thullas Ve, ha Ve reeg debre.
14. Ha an Arleth Diew a lavarras tha an hagar-breeve, Drefen Chee tha weele hema tho Chee molithees a drez {derez} ol an Chattel ha derez kenefra Bestaz an Gweal: war tha doer Chee ra mooaze, oll Deethyow tha Vowngas.
15. Ha Ve vedn goerah zoer treeth Chee, ha an Vennen, ha treeth an haaze Chee ha e haaze hie: E ra browi tha Pedn, ha Chee ra browi e Gwewan.
16. Tha an Venen E cowzaz, Me vedn meare cressha tha Dewhan, ha tha Humthan; en Dewhan Che ra doone flehas: ha tha Dezeria ra voaze tha Goore, ha E ra tha rowlya.
17. Ha tha Adam E’a gowzas, dreffen Chee tha

f.101r
^a gazowaz tha Tallah tha wreege, ha reege debre thor an Wethan, a reeg a Vee lawle theeze Chee na raage debre anothe; Cushez yw an Nore râg tha Crengah {Crenjah}; gen Dewan Chee ra debre notha oll Dethyow tha Vownyaz.
18. Spearn ha Askal ra E dry râg theeze: ha Chee ra debre a’n Lozo an Gweale.
19. En Wheeze tha godna talle Che ra debre tha ^bVara, tereba Chee tha traylyah tha Noare: Rag a vesta Che ve comereze: Râg douste eze, ha tha douste Che ra traylyah.
20. Ha Adam a gryaze Hanaw e Wreeg Eva dreffen o hie Damah a oll Bewjah.
21. Ha tha Adam ha e Wreeg a reeg an Arleth Deew goole bowze Crohan, ha ez goreraz.
22. Ha an Arleth Deew reeg lawle, meroyow; An Dean yw devethez pocara ha onen a nye, da othaz Dha ha Drôg. Ha leben lez E ora ‡raage e Dorn a raage ha komeraz a Weeth dore an Gwethan Bownaz, ha debre, ha bowa râg nevra.

a.   l. galzowanz.
b.   ’tis to be observed that V & B in y^e beginning of words are used promiscuously one for y^e other. as here Vara for Bara.
(Th. also for D.)
‡ the same as Rag.

f.101v
23. Rag hedda an Arleth Deew devanas Eve a rage thoro Paraves, tha gonez an noare, thor neb veoa comeres.
24. Della E a hellaz meaze an Dean: ha E oraze Elze neeve, ha Clotha Tane rêg^e tralya kenefra Vor, tha gweetha an Vôr an Gwethan Vownyaz.

An Duah an dridga Chaptra a Genisis,

W^m Kerew.

Notennow: 
'William Kerew' yw an alias a William Rowe. An tekst y'n Kuntellyans Gwavas (BL Add Mss 28,554) yw dasskrif gwrys gans H.Ustick dhiworth dornskrif Rowe; Ustick a wrug niver a gammskrifow ynno.  An geryow yn korblys  {  } yw amendyansow gwrys gans Ustick, neb a skrifas unn lytherenn amendys a-ugh an ger.

'William Kerew' is the alias of William Rowe.  The text in the Gwavas Collection (BL Add Mss 28,554) is a copy made by H.Ustick from Rowe's manuscript; Ustick made a numbers of errors in it.  The words in brackets {  } are amendments made by Ustick, who wrote an amended letter above the word.