Henry Jenner, Gospel of St Mark, Chapters 1 to 4.25

An Awayl herwedh Sans Mark

An Kensa Chaptra

1. Dalleth awayl Jesus Crîst, Map Dew.
2. Kepar del yu scrifes en profesy (V. en Esay an profes): Otta, mî a dhanvon ow hannas (or, el) dirag dha eneb (or, fas, bejeth), a vedn dÿhtya dha fordh diragos dî.
3. Lev den a grÿ en difeyth: Dyhteugh fordh an Arledh, gwreugh compos e gamennow.
4. Thera Jûan ow pejidhya en difeyth, hag ow pregothy bejidhyans edrak dhô dhewhelyans pehasow.
6. Ha thera Jûan gwisges en blew cawrmargh, ha grîgis crohen adro dhô y wast, ha ev a dhebra caforyon (or, keliogow redan) ha mel gwels.. Hag ev a bregothas, ow lawl: Ema ow tôs war ow lergh onen es crevah (or gallosekah) agesov vî, ha mî heb vos gwyu dhô Úmgamma rag dhô dhigelmy lovan e eskisyow ev.
8. Mî a wrîg agas bejidhya gans dowr, mes ev a vedn agas bejidhya gans an Speres Sans.
9. Hag ² wharvê en dhedhyow-na Jesus dhô dhôs a Nazareth en Galilê ha dhô vos bejidhes gans Jûan en Jordan.
10. Hag owth asken desempes a’n dowr, ev a welas an nev ageres, ha’n Speres ow tiskena warnodho avel colom, hag ow cortas warnodho. (A.V. omits ow cortas warnodho).
11. Ha lêv a vê gwres a nev, ow lawl: Thos dî ow Mab kerys, neb mêr a’m plek dhem.
12. Ha desempes an Speres a wra e helya en difeyth.
13. Hag (G. enna) thera ev en difeyth deugans journa, temptes gans Satnas, ha thera ev gans an gwidh-vilyow, ha’n eleth a wrîg e servya.
14. Ha warlergh bos Jûan gorres en carhar, Jesus a dheth en Galilê, ow pregothy awayl gwlascor Dew.
15. Hag ow lawl: Colenwes yu’n termen, ha’n gwlascor Dew re dheth ogas, peneseugh why, ha creseugh dhô’n awayl.
16. Hag ow qwandra reb Mor Alilê, ev a welas Simon hag Androw e vroder ow towla rûs en mor, rag therans y pescajoryon.
17. Ha medh Jesus dhodhans y: Deugh war ow lergh, ha mî a vedn agas gwîl dhô vos pescajoryon tîs.
18. Hag ow cara desempes aga russow, y a’n holyas ev.
19. Ha warlergh e vôs nebas {pols} alenna ev a welas Jago mab Zebedê ha Jûan e vroder ow ewna aga rûssow en gorhel.
20 Ha desempes ev a grÿas dhodhans-y. Hag ow cara aga thas Zebedê en gorhel gans an wesyon gobernes y a wrîg e holya ev.
21. Hag y a dheth en Capernaum, ha desempes war an Sabbath warlergh e vôs en sinagog, ev a wrîg aga desky.
22. Ha thera marth gensans y a’y dhescas ev, rag thera ev worth aga desky avel dên o gallos dhodho, ha ni avel an scrivenyassow.

23. Ha thera en aga sinagog den, ha speres plos enno. Hag ev a gryas,
24. Ow lawl: Pandres dhenny ha dhes dî, Jesus a Nazareth? A osta devethes dhô ’gan destrîa? Mî a wor pyu thos, Sans Dew.
25. Ha Jesus a’n rebekyas, ow lawl: Taw, ha ke en mes anodho.
26. Ha worth e squerdya hag ow carma gans lev ewhel, an speres plos a dheth en mes anodho.
27. Ha thera marth gans peb hiny, mal omovensons y en mesk aga honan, ow lawl: Pandryu hedna? Pa’n descas nowedh-ma? dreven ev dho worhemmena an Speresow plos ha’n jy dho’y hyvla.
28. Ha’y erda ev a eth desempes dre ol vro Galilê.
29. Hag aredy ow kerdhas en mes a’n sinagog, y a dheth en chy Simon hag Androw gans Jago ha Jûan.
30. Ha wheger Simon a worwedha clav a darthen: ha desempes y a laver adro dhedhi.
31. Ha ow tos hag ow kemeras i lêv, ev a wrîg i sevel avan: ha desempes an darthan a wrig i gara, ha hy dho’ga servya.
32. Ha devethes an gorthewer, pan a sedhsa an houl, y a dhros dhodho mens a vê clav ha mens o kemeres gans jowlow.
33. Ha thera ol an dhinas cÚntelles dho’n daras.
34. Hag ev a weras lîas onen a ve dewhanes gans neb sort clevessow, ha lîas jowl ev a dowlas en mes, ha ni wrîg ev aga gara dhô gowsa, dreven y dhô’y aswon.
35. Hag ow sevel pür avar, ow môs en mes ev a eth kerh en le difeyth, hag enna ev a besas.
36. Ha Simon hag y o genso ev a wrîg e holya.
37. Ha pan a wrîgans y e drouvya, y a leveras: peb den ol a’th whel.
38. Hag ev a leveras dhodhans: Gwren môs en trevow es adro {nessa}, may pregothev {hallen pregothy} ennans y enwedh. Rag dhô henna ov devethes.
39. Ha thera ev ow pregothy en aga sinagogow ha en ol Alilê, hag ow towla an jowlow en mes.
40. Ha claforer a dheth dhodho en idn pesy anodho hag ow plegya e dheulin dhodho ev a leveres: Mar menta, tî a ell ow glanhy.
41. Ha Jesus ow kemeras trewath anodho, a estenas e dhorn, ha worth e dûchya a lavar dhodho: Mî a vedn, bedh glanhes.
42, Ha pan a wressa cowsa, desempes an glafor a omdennas dhorto, hag ev a vê glanhes.
43, Ha worth e worhemmena, ev a’n mosas desempes.
44. Hag a leveres dhodho: Gwel na levery neppeth dhô dhên vîth, mes ke, omdhisqwedh dho’n escop (or Penjevek Offeriassow or Pen-coggas), hag offryn rag dha lanhas an bethow a wrîg Moyses e worhemmena rag testina dhodhans,
45. Mes ow mos en mes, ev a dhallethas dho bregothy ha dho dherevas an lavar, na ello lemman mos en dhinas, mes era en mes en telleryow difeyth, hag a beb tew ² tethons y dhodho.

An Nessa Chaptra

1. Hag arta ev a eth en Capernaum woja nebas dedhyow.
2. Hag a glewer ev dho vos en chÿ, ha mêr a dîs a ve cÚntelles, nag era teller vîth, na dho’n darras e honan, hag ev a wrîg cowsa dhodhans y.
3. Hag y a dheth dhodho ev, ow ton paraletik a ve perthes {deges}gans pajer.
4. Hag dreven na aljens e dhon dhodho awos an rûth, y a dhistÿas an to ple thera ev, ha worth e agory, y a wrîg diskena gwely a worwedhas an paraletik warnodho.
5. Mes Jesus ow welas aga hrejyans, a lavar dhô’n paraletik: Ow mab {A vab}, ema geves dha behasow.
6. Ha thera re a’n scrivenyassow ow sedhas enna hag ow predery en aga holonnow,
7. Perag a lavar hemma en del-na? Ev a gam-gows. Pyu a el gevya pehasow, saw Dew en ednak?
8. Ha desempes Jesus ow codhvos en e speras ev y dho bredery en del-na entredhons aga honan, ev a lavar dhodhans: Perag a brederough why an remma en agas colonnow?
9. Panin y hedh ah, dhô leverel dhe’n paraletik, Ema geves dha behasow, po dho leverel, sav aman, gwra dereval dha wely ha kerdh?
10. Mes may hallough godhvos trova gallos dhô Vab Dên rag dhô evya pehasow. Ev a lavar dhôn paraletik
11. Sav aman, gwra dereval dha wely a kerdh dho’th chÿ.
12. Ha desempes ev a savas, hag ow tereval e wely ev a eth kerh diragthans ol, mal era marth gensans ol hag y a wordhyas Dew, ow lawl: Na wrîgon ny besqweth gwelas tra a’n par-ma.
13. Hag ev a eth arta en mês reb an mor; hag ol an ruth a wrîg dos dhodho, hag ev a wrîg aga desky.
14. Hag en idn tremena, ev a welas Levi map Alfêus ow sedhas en dollva, hag a lavar dhodho: gwra ow holya. Hag en idn sevel ev a’n holyas.
15. Hag a wharvê, ha ev ow sedhas dho voys en e chy, lîas publican ha pehajor a sedhas en keth termen-na gans Jesus ha’y dheskiblyon: rag era lîas a wrîg e holya.
16. Ha’n scrivenyassow ha Fariseow worth y welas ev dho dhebry gans publicanow ha pehajoryon, a leveras dho’y dheskiblyon: Perag a wra agas maister debry ha eva gans publicanow ha pehajoryon?
17. Hag ow clewas hemma, Jesus a lavar dhodhans y: Nynsyu reys medhek dho’n yahyon, mes dho’n clevyon. Rag nynsov devethes dho grÿa an wiryon mes an behajoryon.
18. Ha thera deskiblyon Jûan ha’n Farisêow ow penesy, ha’n jy a dhê hag a lavar dhodho: Perag a benes deskiblyon Jûan ha’n Farisêow ha na benes dha dheskiblyon dî?
19. Ha medh Jesus dhodhans: Ell mebyon an demedhyans penesy hedre yu gour-prîos gensans y? Hedre yu gour-prîos gensans, ni ellons penesy.
20. Mes an dhedhyow a vedn dos pan a vedn an gour-prîos bos kemeres dhortans y. En êrna y a vedn penesy en dhedhyow-na.
21. Ny wra dên vîth sewy clowt a gweth nowedh war pows coth, po ken gwra an tam es worth e lenwel kemeres a’n coth, ha squerd brassah a wrer.
22. Na wra dên vîth denewy gwîn nowedh en lestry coth, po ken gwra an gwîn torry an lestry, ha’n gwîn dhô vos towles en mes, ha’n lestry dhô vos destrîas. Mes ² coth dhô wîn nowedh dho vos denewes en lestry nowedh.
23. Hag a wharvê, pan wrîg an Arleth gwandra dre parcow ÿs, e dheskiblyon a dhallethas dhô gerdhas ha dhô denna pednow ÿs.
24. Mes an Farisêow a leveras dhodho: Perag a wrons y peth nages geses en Sabbath?
25. Ha medh e dhodhans: Na wrigough whÿ lenna pandra wrîg Davy, pan era ethom ha nown dhodho ev ha dhodhans y a vê ganso.
26. Fattel eth ev en Chÿ an Arledh en dedhyow Abiathar Pen-offerias hag ² tebras bara disqwedhyans na coth dhô dên vîth dhô dhebry, marnas dho’n goggasow, ha ros dhô’n rena a vê ganso.
27. Ha medh ev dhodhans: An Sabbath a vê gwres rag carenja tîs, ha ni tîs rag carenja an Sabbath.
27[sic]. Rag henna Arledh yu Mab Dên war an Sabbath e honan.

An Truja Chaptra

Hag ev a eth arta en sinagog: ha thera enna dên, ha’y lav sehes.
2. Hag y a’n wolyas ev, mar menja ev yaha en Sabbath may hallons e gôhîdha.
3. Hag ev a laver dho’n dên ha’y lav sehes: Sav aman en crês.
bew
4. Hag ev a laver dhodhans y: A dhal e gwîl da po drôg war an Sabbath, sawya enav po e gelly? Hag y a dewas.
5. Hag ow mîras adro warnodhans gans sor, hag ev greves worth dallder (A.V. caletter) aga holonnow y, ev a lavar dhô’n dên: Hedh rag dhe lav. Hag ev a’n hedh hag e lav a yahes dhodho (G. Pocar e gîla).
6. Mes an Farisêow ow mos en mes, desempes gans an Herodianyon a gemeras cÚsÚl er e bidn
fattel aljons e gelly {destrîa}.
7. Mes Jesus gans e dheskiblyon a Úmdennas tewa’n mor. Ha rûth bras dhort Galilê ha Judêa a wrîg e holya.
8. Ha dhort Jerusalem hag Idumêa ha dres an Jordan ha’n jÿ o adro dho Dÿr ha Zidon, ruth bras, ow clewas cemmes a wrîg ev gwîl, a dheth dhodho ev.
9. Hag ev a lavar dho y dheskiblyon côk bîan dho wortas warnodho rag carenja an rûth, rag own y dho herdhya warnodho.
10. Rag ev a wrîg gweres lîas, mal y a wrug resek dhodho may tucho mens era clevesy dhodhans y.
11. Ha’n speressow plos, pan a wrignas e welas, a omdesevas diragdho, hag a grÿas, ow lawle,
12. Thos dî Mab Dew. Hag ev a worhemmenas en fast na’n disqwedhsens ev.
13. Hag owth asken en menedh ev a gryas dhodho ev mens a venja ev e honan, hag y a dheth dhodho.
14. Hag ev a ordenas dordhek dho vos ganso ev, ha may hallo aga danvon dho bregothy.
15. Hag ev a ros dhodhans gallos dho yaha an glevyon ha dho dowla an jowlow en mes.
16. Hag ev a worras dho Simon hanow Peder.
17. Ha Jago mab Zebedê ha Jûan broder Jago, hag ev a worras dhodhans y henwen Boanerges, hedna yu Mebyon Taran.
18. Hag Androw ha Filip ha Barthlemy ha Mathew ha Tubma ha Jago mab Alfêus ha Thady ha Simon an Cananas.
19 Ha Jûda Scaryoth neb enwedh a’n traytas.
20 Hag y a dhe dho’n chÿ, hag arta rûth a vê cÚntelles mal na allons y debry bara.
21, Ha pan a wrîg e gerans e glewas, y a eth en mes dho’y dhalhenna: Rag y a leveras: Mescok a thyu ev.
22. Ha’n scrivenyassow, a dhiskenas a Jerusalem a leveras: Ema Belsabuk ganso, ha ev a dowl en mes an jowlow dre benjevik an jowlow.
23. Hag worth aga hÚntell ev a wrîg lavarel dhodhans en heveleptrow: Fattel ell Satnas towla Satnas en mes?
24. Ha mar pedha e wlascor deberhes en e honan ni ell an gwlascor-ma sevel.
25. Ha mar pedha chy deberhes warbidn e honan ni ell an chymma sevel.
26. Ha mar qwressa Satnas sevel aman war e bidn e honan, ev yu deberhes, ha ni ell sevel mes an jeves dewedh.
27. Ni ell den vîth laddra pethow den crev, ha nenna ev a vedn laddra e chy.
28. En wîr mî a lavar dheugh: peb pegh ol a vedh geves dhô mebyon tîs, ha camgowsessow, neb a gamgowsons y gansans.
29. Mes neb a gamgowso erbidn an speres sans nynjeves dewhellyans rag nevera, mes athyu en peryl bres bethol.
30. Dreven y dhô leverel: Ema speres plos genso.
31. Ha’y vam ha’y vreder a dhe, hag ow cortas a vês, y a dhanvonas dhodho, ow crÿa ragdho.
32. Ha thera rûth ow sedhas a’y dro, hag y a lavar dhodho: Otta, dha vam ha’th vreder a wra dha whelas a vês.
33. Hag en idn gortheby ev a lavar dhodhans: Pyu ow mam ha’n breder?
34. Hag ow mîras a dro warnodhans era a’y dro ev a lavar: Gweleugh ow mam ha’m breder.
34[sic]. Rag neb a wrello bôdh Dew, hemma yu ow broder, ha’m hoer, ha’m mam.

An Peswardha Chaptra

1. Hag arta ev a dhallethas dho dhesky reb an mor, ha thera cÚntelles dhodho rûth mêr, mal owth asken en côk ev a sedhas en mor, ha thera ol an ruth reb an mor war an dîr.
2. Hag ev a wrîg aga desky en lîas hevelepter ha a wrîg leverel dhodhans en a dhescas.
3. Golsoweugh: Otta, gÚnajor a eth en mês rag dhô wÚnna.
4. Ha hedre e dho wonna, neb a godhas reb an fordh ha’n ethen a nev a dheth hag y a’n debras.
5. Mes neb a godhas war telleryow menek, ple nynsera dhodho mêr a dhor, ha desempes ev a wrîg dreval dreven ev dho vos heb dhownder dor.
6. Ha pan a dhrevas an howl, ev a vê leskes, ha dreven ev dho vos heb wredh, ev a vê sehes.
7. Ha neb a godhas en mesk an spern, ha’n spern a wrîg tevy ha’y vegy, ha na ros ev frûys.
8. Ha neb a godhas en dor mas, hag a ros fruys ow tevy hag ow cresya, hag a dhenethas onen deg war igans, onen trÿ igans, hag onen cans.
9. Hag ev a lavar: Neb es deuscovarn dhodho rag dho glewas, gwrens ev clewas.
10. Ha pan era ev e onen, y o an dawdhak ganso (G. y o a’y dro gans an dawdhak) a wra e wovenny a’n hevelepter.
11. Hag ev a leveras dhodhans: Dheugh why ema reys godhvos mysteryow gwlascor Dew, mes dhodhans y es a vês pebtra a wrer en heveleptrow.
12. May ow qwelas y a welo ha ni welons, hag ow clewas y a glewo ha ni gonvedhons, rag own y dho vos trayles ha 'ga fehajow dho vos geves dhodhans.
13. Hag ev a lavar dhodhans: Na wreugh whÿ convedhas an hevelepter-ma, ha fattel a vednough why convedhas peb hevelepter ol?
14. An gonajor a wonn an gêr
15. Ha’n remma yu an re adro dho’n fordh (or reb an fordh) ple a wonner an gêr, ha pan a glewsons, Satnas a dhe desempes, hag a gemer kerh an gêr gonnes en aga holonnow.
16. Ha’n remma yu kekeffres an re es gonnes en telleryow menek, a gemer an ger, pan a glewo, gans lowena.
17. Ha nynsyu dhodhans gwredh en aga honan, mes nynsens saw rag an termen; ha pan a sevo dewhan po helhyans rag carenja an gêr, dhens y sclandres.
18. Ha emons erel es gonnes en mesk an spern: an remma yu’n re a glew an gêr
19. Ha ponvossow an bes-ma, ha tewl covaith, ha whansow dro dho traow erel, ow tos ajy, a veg an gêr, ha ev wrer bos heb frûys.
20. Ha’n remma yu’n re es gonnes en dor mas, a glew an ger, hag a’n cemer hag a dheneth fruys onen deg war igans, onen trÿ igans hag onen cans.
21. Hag ev a leveras dhodhans: A dhe ~~golow lester~~ cantell hallo bos gorres en dadn bushel po en dadn gwely?
22. Rag nynsyu tra vîth kîdhes na wrer disqwedhes na wres celes mes may dheffo a les.
23. Marsyu deuscovorn dhô dên vîth rag dho glewas, gwrens ev clewas.
24. Ha ev a leveras dhodhans: Kemerough wîth pandra a glewough. Gans a mejur a vejurough why ganso a vedha dasvejures dheugh why hag a vedha reys dheugh why.
25. Rag neb an jeves, a vedho reys dhodho, ha neb nynjeves a vedho kemeres anodho.

[The notes in round brackets are Jenner's own: V. = Vulgate, G. = Greek, A.V. = Authorised Version. Jenner's superscript corrections are shown in curly brackets { } following the words they replace].