Jenner - John 5

Henry Jenner, Gospel of St John, Ch. 5.1-14

1. Wosa hemma ythese dydh gol an Edhewon, ha Jhesus a yskynnas dhe Jerusalem.
2. Hag y ma yn Jerusalem Pol an Deves {Probatika}, es henwys yn tavas Ebbrowek Bethsaida hag an jeves pemp porth.
3. Abarth an remma ythese ow crowedha ruth veur a re glefyon ha tus dhall ha clefyon ha tus syghys, hag y ow cortos muvyans an dowr.
4. Rag El an Arluth a dyeskynne herwydh termen en Pol, hag ef a vuvya an dowr. Rag henna an dyn a wressa dyeskynne an kensa yn Pol, ef a ve yeghys a ba clevas bennag a ve dhodho.
5. Hag ythesa un den, hag a ve clevas dhodho eyth bledhyn war ugans
6. Jhesus pan a’y welas hag ef ow crowedha, ha godhvos ef dhe vos lemmyn pel dermyn, a lavar dhodho: A venta bos iaghys?
7. An claf a worthybas dhodho: Arluth, nynsyu dhym den vyth {vith} dhe’m gorre yn pol pan y ma an dour muvys, mez hedre dhof vy ow tos, dyn aral a dhyeskyn adhyragof.
8. Jhesus a lavar dhodho: Saf yn ban, doga dha wely, ha kerdh
9. Ha dhysempys ef a ve gwrys iagh, ha ef a dhug y wely, hag a kerdhas. Ha’n dydd a ese an Sabot.
10. Rag henna an Edhewon a lavare dhe’n dyn a ve iaghys: Sabot yu, nyns yu gesys dhys don dhe wely.
11. Ef a worthybas dhethe: Neb a’m wruk iaghys, ef a lavar dhym: doga dhe wely ha kerdh.
12. Rag henna y a’n wofenny: Pyu an dyn-na a leveras dhys: doga dhe wely ha kerdh.
13. Ni wor an dyn a ve iaghys pyu o ef. Rag Jhesus a ymdennas a ruth a ve gwrys yn teller-na.
14. Wose hemma Jhesus a’n trovyas yn Tempel, ha leveras dhodho: Mir, ty yw gwrys iagh: lemmyn na wra pegha, rag own tra weth dho wharfos dhys dy.

[Note; Jenner's superscript corrections are given in curly brackets { } following the word they replace]

Home Page