Boson - Genesis 1

Genesis 1.1-31, treylys gans John Boson
(martesen neb termyn ynter 1700 ha 1725)

Gwavas Collection, folio 126r.
The j^st Chapter of Genesis in Cornish

Vers the j^st En dasleth Deu grwes an nerw ha an aor.
2 Ha thera an bez heb composter, ha heb kanifer tra; ha tuylder rag
mêr a dounder, ha spiriz Deu reeg guaya var budgeth an dour.
3 Ha Deu laveraz, gwrens bos golou, ha thera golou.
4 Ha Deu gwellas an golou, tho vo da, ha Deu debarris an golou vrt
an tuylder
5 Ha Deu gwres an golou deth, ha an tuylder e gwres nôz, ha an
gothihuar ha metten vo a kenza jorna.
6 Ha Deu laveraz gwrens bos ebron en keeis an dour, ha gwrens
a debarra an dour vrt an doar a debarra an doar urt an doar [repeat, sic]
7 Ha Deu gwras an ebron, ha de barras an doar ear [sic] dadn an ebron,
Vrt an doar era var an ebron, ha vo an della.
8 Ha Deu kries an ebron neve, ha gethiliura ha metten vo nessa jorna.
9 Ha Deu laveraz gwres an doar dadn an neve bos kontlez vrt
bar do Jdn Tellar, ha gwrens an teer zeth deskuethes, ha vo an della.
10 Ha Deu kriez an teerzeth an aor, ha kentel var bar an doar e
kriez mor, ha Deu gwellar tro vo da.
11 Ha Deu laveraz gwrens an aor dri meas gwelz ha lushan dra
meas hâz ha gwethan dri meas ffrueth var bar a haval, pea en
eta vonnin var an aor, ha tho va della.
12 Ha an aor does meas gwelz, ha lushan haz eta vonnin var
ler a haval, ha degwethen drez meas frveth var bar a haval
ha Deu gwellar tro vo da.
13 Ha gothihuar ha mettin o an tridga jorna.
14 Ha Deu laveraz gwrens bos gullou en ebron neve, do debrra deth
vrt an noz, ha gwrens bos rag Signezou, rag termen, ha rag
dethiou ha blethaniou.
15 Ha gwrens bos rag gullou en ebron neve do ro gullou var
an awr, ha vo an della.
16 Ha Deu gwras deau gullou borz, an broza rag an deth ha
an behatna rag an noz e gwras an Sterradnou a vest.
17 Ha Deu goras gi en Ebron neve, do ri gullou var an Aor.
18 Ha do moas dras an deth, ha an noz ha do debarra an gullou
urt a tuilder, ha deu gullas tho vo da.
19 Ha Gothihuar ha mettin oan Padgurra jorna.
20 Ha Deu laveraz, gwrens an dour drimeas meer an taklolaz
guayans gen bounas, ha hethen rag neidga huan an aor en
ebron neve a lez.
21 Ha Deu gwras an pusgaz broz, ha kanifer traes guaya grêg
an dour dri meer a meas var-lear ens haval, ha kanifer hethen gen
az gran var ler a haval ha Deu guellas, tra va da.

Folio 126v.
22 Ha Deu Rêg gi beniga laverans, betho lean gen haz, ha krestia
ha lenal an dour en mor, ha gwrens an hethen krestia en aor.
23 Ha Gothihuar ha mettin o an pempas jorna.
24 Ha Deu laveras, gwrenz an aor dri meas an taklou ez dothan
bonnaz var a haval, chattoll ha taklou ens kramia, ha an mil
an aor var ler anshaval, ha tha vo an della.
25 Ha Deu gwras an mil an aor var ler a haval ha chattoll var
ler a haval ha kanifer tra es kramia var an aor var lee [sic] a
haval ha Deu guellas tho vo da.
26 Ha Deu leveras guellas guil dean en avain ni, var ler haval
ni ha gwrens govas pour dres poskas môr ha dres an hethan
er ebron ha dres an chattoll, ha dres ol an aor
27 Ha della Deu gwras dean en avain e vounin, en avain deu
e gwras gurrou ha benon gi vegieras.
28 Ha Deu Rêg gi benigia, ha Deu lavaras dothanes betho lean
gen haz, ha krestia, ha leval, an aor ha doua a ha douas pour
dres an posgaz en bonens ha mor, ha hethan en ebron, ha dres
kanifer tra es bounas ha guaya var an aor.
29 Ha Deu tavaras [sic], mero ma res gennam dôrn kanifer lushan gen
haz, pees var ol budgeth an aor, ha kanifer guthan menz es
var budgeth an aor, ha kanifer guethan menz es [inserted line]
frueth guethan gen haz, do kanifer hethen en ebron.
30 Ha do ol milans en aor, ha do kanifer hethen en ebron ha kanifer
tra es guaya var an aor, menz bos bounas eta ha ma res gennam
kanifer laihan [sic] glaz rag boaz ha tho vo an della.
31 Ha Deu guelles kanifer tra vo gwres gen e vonnia, ha mero tho
vo perth da, ha Gethihuar ha mettin ve an veffras jorna. finis

29 Ha Deu lavares, mero ma res gennam, dôrn kanifer lushan gen
haz pees var ol budgeth an aor, ha kanifer guethan menz es var
budgeth an aor, ha kanifer guethan menz es frueth guethan gen
haz do kanifer hethen en Ebron.

[In Ustick’s hand:]
Wrote By M^rs Veale, The Eldest Daughter of
W^m. Gwavas Esq^re. She died Feb^ry 8 1791

Notenn

An tekst a veu dyllys gans O.J.Padel, yn The Cornish
Writings of the Boson Family, 1975, f.51. An tekst
diskwedhys omma yw treuslytherennans nowydh gwrys
poran dhiworth an dornskrif (Gwavas Collection,
BL Add. Mss 28554).

An tekst y’n Gwavas Collection ff 126r-126v yw onan
a dhew dhasskrif gwrys dhiworth tekst-pennfenten yw
kellys lemmyn. Yma an dasskrif arall y’n Dornskrif
Borlase (Cornwall C.R.O.), hag yma dihevelepterow
ynter an dhew dhasskrif.